Төв талбайд АН-ын удирдлагууд ээлжит тэмцэлээ үргэлжлүүд байна. Тэгвэл улсын баатар Э.Бат-үүл чанга яригчийг толгой дээрээ өргөж яваа дүр төрх содон харагдав.
УИХ-ын дарга Ардчилсан нам орших эсэхийг манлайлан ярьж буйг тэвчихгүй
АН-ын удирдлагууд С.Зориг агсны хөшөөний урд талбайд 4:11 мэдээллийн цагаараа мэдээлэл өглөө. Энэ удаад АН-ын удирдлагууд болон гишүүд, дэмжигчид Ерөнхийлөгчийн сонгуультай холбогдуулан УИХ-ын дарга Г.Занданшатарт шаардлага хүргүүлж, жагсаал зохион байгуулж байна.
Энэ үеэр Төв талбайд Үндсэн хуулиа хамгаалахын төлөө цуглаан зохион байгуулах тухай зарласан ч цуглааны сэдвийг өөрчлөхөөс өөр аргагүйд хүрээд байгааг АН-ын дарга асан С.Эрдэнэ мэдээллээ. Тэрбээр “Намын дарга М.Тулгатын хэлж буйгаар, эрх баригчид Ардчилсан нам руу дайр.сан үйл ажиллагаа явагдаж эхлээд байна. Тухайлбал, хууль тогтоох байгууллагаас үүнийг хийж байгаа юм. Ардчилсан нам удирдлагатай, удирдлагаа төлөөлөх эрх нь хадгалагдаж байгааг шүүх тогтоочихсон. Гэтэл удирдлагатай ярихгүйгээр АН-ын асуудлыг УИХ-аар хэлэлцэх гэж байна. Намынх нь удирдлагатай ярихгүйгээр ийм зохисгүй зүйл хийж, данс хаах зэрэг ноц.той үйлдэл гаргаж буй учраас УИХ-ын дарга Г.Занданшатарт шаардлага хүргүүлж байна.
Угтаа бол өнөөдөр нийслэлийн намаас сонгуулийг луй.вар.даж, засгийн эрхийг хууль бусаар авах оролдлго хийж байгаад гомдол гаргасан. Тэрхүү гомдлыг намын удирдлагад мэдээлэхгүйгээр тэс өөр хэрэг болгож хаасан хариуцлагагүй явдал гарсан. Үүнтэй холбоотойгоор бид тус хэрэг дээр ажилласан цагдаа, тагнуулын байгууллагын албан тушаалтнуудыг чөлөөлж, хариуцлага тооцох тухай шаардлага хүргүүлэх байсан. Гэсэн ч үүсээд буй цаг үеийн асуудалтай холбоотойгоор УИХ-ын даргад шаардлага хүргүүлэхээс өөр сонголтгүй болж байна.
Одоо АН-ын оршин тогтнох уу, үгүй юу гэдэг асуудлыг хууль тогтоох нэгж, УИХ-ын дарга нь манлайлан ярьж байгааг тэвчихгүй. Энэ үзэгдэл Монгол Улсад нэг намын дарангуйлал тогтоох хэлбэр гэж харж байна.
