Монголын анхны хурдны авто замыг одоогоос хоёр жилийн өмнө хүлээн авсан. Тодруулбал, 32.2 км асфальт бетон хучилттай, зургаан ширхэг гүүр, 21 ширхэг нүхэн гарцтай 28 ширхэг дугуй хоолойтой хурдны зам баригдсан.
Уг замыг албан ёсоор хүлээж авснаас хойш машин яваагүй, хаалттай байсаар өнөөдрийг хүрсэн. Харамсалтай нь дуулиан шуугиантай нээсэн хурдны зам цууралт үүсэж эхэлсэн тухай зураг нийгмийн сүлжээнд тархаад байгаа юм.
Тус хурдны замыг БНХАУ-ын Засгийн газрын хөнгөлөлттэй зээлийн хөрөнгөөр барьсан бөгөөд замын ажлын нийт өртөг нь 140.3 сая ам.доллар бөгөөд барилгын ажлыг гурван жилийн хугацаанд гүйцэтгэж, 2019 оны долоодугаар сарын 3-ны өдөр улсын комисст хүлээлгэн өгсөн байдаг.
Зам тээврийн хөгжлийн яам болон БНХАУ-ын ‘Чайна тэйсэжү сивил инженеринг групп’, ‘Бадрах ойл’ ХХК, ‘Эрдэнэ зам’ ХХК, ‘Арж Капитал’ ХХК-иуд барьж байгуулах ажлыг хийж гүйцэтгэсэн гэнэ. Ашиглалтад ороогүй байсан хурдны замын нөхөн төлбөрийг энэхүү нэр дурдсан бүхий этгээд хариуцлагаа хүлээх биз ээ.
Эх сурвалж: Paparazzi.mn
