Цахим хуудсаараа дамжуулж өөрийн үзэл бодлоо чөлөөтэй илэрхийлдэг, өөрийг нь хүлээж уншдаг уншигчидтай бүсгүй бол Р.Эмүжин билээ. Тэрээр саяхан цахим хуудсаараа дамжуулан мөн л өөрийн үзэл бодлоо ийнхүү илэрхийллээ.
‘Хүүе би тэгж нэжгээд хүн нэг бусаар дүрээ хувиргаад, дүрсээ өөрчлөөд гүйгээд ирэхэд нь дэмжээд явдаг дүүрчихсэн толгой биш. Ядаж байхад нөгөө Хүрэлсүх нь мөрийн хөтөлбөрийнхөө нэгт Дубайн гэрээг хүчингүй болгоно гээд биччихсэн юм билээ. Өөртөө гал дуудаж хашиpдаггүй хүн л дээ. Бас олигархуудын хууль бусаар болон, хуульд лообий бүлэг байгуулж өөрчлөлт оруулж байгаад хувьдаа авсан 1000 шахам лицензийг цуцалсан, цаашдаа ч цуцлахад нөлөөлөх боломжтой. Дээр нь сахал Эрдэнэбилэгийн санаархсан Эрдэнэтийн 49 хувийг төрд аваад, тахлын үед ашгийг нь ард түмэндээ хуваагаад өгчихсөн. Хэдүүлхнээ идэх гээд хэлхэлдэж байхад нь ард түмэнтэйгээ хуваана гээд алалцаад гараад ирсэн Хүрэлсүхийн эсрэг гэмгүй төрхтэй ийм нэг хүнийг сойчихоод, ард нь бужигнуулж суугаа Монгол чадначууд гэдэг чинь энэ л дээ.
Эх орон талцуулсан эхүүн технологитой. Эхнээсээ ч үнэртээд, үүр эвдээд байна. Элбэгдоржийг Ерөнхийлөгч байхад ард нь зогсдог байсан улс төр, бизнесийн олигархууд одоо бүгд Энхбатын ард хумсаа нууж, хуурамч төрхөө хулдаад сууцгааж байна. Шүүхийн ерөнхий зөвлөлд хувийн хуульчаа нэр дэвшүүлж байсан Голомт Баясгалан бас нэмэгдэнэ. Хоногт 7.0 саяын онгоц түрээслээд, тэгснээ 1000 төгрөгийн хандив гуйгаад яваад байгаа Энхбат гэдэг чинь ийм хүмүүсийн гар хөл болж, Монголын залуусын итгэл үнэмшил, өөрчлөлт хүссэн сэтгэл дээр тоглоод байгаа учраас л дургүй хүрээд байгаа юм. Хүүхэлдэй гэдэг чинь энэ. Хаа очиж Элбэгдорж нь боломж олдвол нэр, нүүрээрээ ил гарч ирээд үзчихдэг. Харин Энхбат бол өнөөг хүртэл өө гаргахаас айн нуугдаж ирсэн, алдаатай харагдахаас эмээн ард нь үлдсэн нөхөр. Тэрний хажууд үзэл бодолдоо муу хэлүүлж, муухайгаар дуудуулаад ч гэсэн үнэн үлдэж чадаж байгаа Эрдэнэ илүү үнэтэй, Хүрэлсүх илүү жинтэй. Тэдэнд худалдаад авчихаж болдоггүй нэг тийм зэвүүн мөн чанар байдаг. Түүнтэйгээ адил алдаа ч бий, оноо ч бий. Тиймээс л одоо хамгийн ихээр гутаагдаж буй юм.
Угаасаа би уpвaaч шapвaaчдaд, тэр тусмаа бусдын гар хөл болж явдаг хүүхэлдэй шиг хүмүүст дургүй. Яадгийн, дургүй. Дургүй гэдгээ хэллээ, хэлэх ч болно! Рэйтинг нь өсөөд байхаар гоочлоод байна гэж мушгиж эндүүрэхээ боливол таарна, үнэнгүй хүмүүст үүрд дургүй за. Энэ байтугай эрх мэдэлтэнтэй нь энэ талбартаа тулаад, туугдаж хөөгдөж сурсан хүн байна. Нэг олигархын байгуулсан бүлэглэлээс салж ядаж байхад нөгөөх нь залгаад сэгсэрчих гээд сэнс үлээгээд байх юм. Одоо цадаж ханаж болдоггүй юм уу?’
Сэтгүүлч Р.Эмүжин
