Орчин үед онлайн салбар нүд эрмэхийн зуур маш хурдацтай хөгжиж байна. Үүнийгээ дагаж олон сонирхолтой контент бүтээгчид ч ихсэв бололтой.
Харин YouTube хуудаснаа 106 мянган дагагчтай Чинтөгс буюу CTS нэрээр олонд танигдсан залуу 05-р сарын 17-ноос эхлэн шууд дамжуулалт буюу STREAM эхлүүлж одоог хүртэл буюу 14 хоног тасралтгүй хийж олны анхаарлыг татаад байна.

Тэрбээр камерын урд хоол идэж, тоглоом тоглож, унтаж, сонирхолтой контентууд үзэж мөн зочин урьж оролцуулдаг. Түүнийг унтаж байхад унтаж байгааг нь харж дор хаяж 300 хүн үзэж байдаг гэнэ.

Сонирхолтой зүйл нь CTS шууд дамжуулалтынхаа 1 минутыг 969 төгрөгөөр үнэлсэн гэнэ. Үзэгчид 969 төгрөг хийж лайвыг сунгасаар ийнхүү 14 хоног болоод байгаа нь энэ аж. 14 хоног=1 минут нь 969 төгрөг гэж үзвэл хэдэн сая төгрөг олж байгаа нь хачирхалтай.

Түүгээр зогсохгүй хандивын аянуудад нэгдэж үзэгчдээ уриалан 1 цагт 4 сая төгрөгний хандив цуглуулж чадсан байна.














