АН-ын 100 саяын дэнчин их юм дуулгаж, олон үйл явцыг өрнүүлэх нь. 100 сая эсэргүүцсэн намын гишүүд эхнээсээ намаас гарч бие даан нэр дэвшихээ мэдэгдсээр байгаа. Энэ удаад тус намын ҮБХ-ны гишүүн Д.Мөнх-Эрдэнэ үргэлжлүүлж, Баянхонгор аймагт бие дааж нэр дэвшихээ зарласан. Энэ сарын 10-нд тэрээр 100 сая төгрөг тушаасан гишүүдийн нэрсийн жагсаалтыг ил болгохыг шаардаж хэвлэлийн хурал хийсэн.
Энэ үеэр тэрээр “Гишүүдийг үзэл бодлоор нь уралдуулж нэр дэвшүүлэх ёстой байтал өнөөдөр С.Эрдэнэ дарга мөнгөөр уралдуулж байна. Ингэж мөнгөөр уралдуулахаа зогсоох хэрэгтэй” гэж шүүмжилсэн. Мэдээж түүний эл үйлдлийг С.Эрдэнэ дарга таалаагүй. Өчигдөр тус намын Ёс зүйн сахилгын дэд хороо хуралдаж Д.Мөнх-Эрдэнийн асуудлыг авч хэлэлцжээ.
Хурлаар АН-ын Үндэсний бодлогын хорооны гишүүн Д.Мөнх-Эрдэнийг Ардчилсан намын Үндсэн дүрмийн 3.7.6, 3.9.1.15 дахь заалтыг тус тус зөрчсөн гэж үзсэн байна.
АН-ын Үндсэн дүрмээс….
3.7.6. намын дотоод асуудлаар намын нэр хүнд, эв нэгдэл, үйл ажиллагаанд сөрөг нөлөө үзүүлэх олон нийтэд хандсан үйлдэл хийхгүй байх, намын дотоод мэдээллийг гадагш гаргахгүй байх, намын удирдах болон улс төрийн өндөр албан тушаал хашиж байсан гишүүд намын байгууллагатай зөвшилцөлгүйгээр дур мэдэн намын өмнөөс үйл ажиллагаа явуулахгүй байх, хэвлэлийн мэдэгдэл, мэдээлэл хийхгүй байх;
3.9.1.15 дахь заалт
Намын хурлын хаалттай хуралдаанд видео камер, гар утас, дуу хураагуур болон бусад төхөөрөмж ашиглан бичлэг хийсэн, тараасан, хуралдааны тэмдэглэлийг ил болгосон, намын дотоод асуудлаар олон нийтэд хандаж намын нэр хүнд, эв нэгдэл, үйл ажиллагаанд сөрөг нөлөө үзүүлэхүйц үйлдэл хийсэн;
С.Эрдэнэ дарга Ардчилсан нам хамгийн их амьд ардчилалтай нам гэж хэлж байсан удаатай.Гэтэл намын гишүүд үзэл бодлоо илэрхийлэх нь намын даргад таалагдахгүй байгаа нь амьд ардчилал байж чадах уу?
Ер нь АН “горилогчид”-оосоо 100 сая төгрөг нэхсэн нь ч байж боломгүй үйлдэл. Энэ удаад намаасаа гарсан Д.Мөнх-Эрдэнийн хэлснээр дэнчингийн мөнгөө тушаасан байхад дахин мөнгө нэхсэн нь ч бүр байж боломгүй үйлдэл. Тэр тусмаа ардчиллыг өмчилдөг, түүгээр овоглодог АН-д байж боломгүй ёс суртахуун гэж хэлэх байна.
Энэ залуугаас шудрага ёс үнэртээд уналаа шүү зуун саяаа буцааж авсан уу? тэр мөнгөөрөө сонгуульдана биз дээ?аваагүй бол би очоод аваад өгий энэ олон бие даагчид гарна гэсэн түмэн горьдлого тээж байгаашт.Би бол ном айлдаад өгий уна уна набусу унаа пяхаанзий бяцаа бяц агаарт самаа ранза салам алеикум сээт сээт зүйгээ бээлд бээлд ума хум уна хө