Швед улсын 10 сая гаруй хүн амаас өдөр тутам 2.7 сая тамхины иш газарт хаягддаг байна. Тэр утгаараа Стокгольм хотын тамирчин Эрик Ахлстрем орчны бохирдлыг багасган, эрүүл мэнддээ анхаарах зорилготой ‘plogging’ гэх фитнессийн шинэ төрлийг үүсгэсэн нь дэлхий даяар трэнд болоод байна. Гүйх замдаа таарсан хог, тамхины иш гэх мэтийг авч түүх нь энгийн гүйлтээс илүү их калор шатаах ач холбогдолтой юм.
‘Plogging’ гэх үг нь ‘авах’ (pick up) ба ‘гүйх’ (jogging) гэх үгний нийлбэр бөгөөд гүйх, дугуй унах, гольф тоглох, сэлэх, ууланд авирах гээд ямар ч спортоор хичээллэх үедээ таарсан хогийг авч хаях зорилготой гэнэ.
Монголчуудын хувьд хог хаягдал гэдэг бол бидний нийгэмд тулгамдаж байгаа нэг том асуудал юм. Гадны загвар, техник технологийг даган дуурайдаг шиг зөв амьдралын хэв маягыг ч мөн адил дуурайж орчиноо цэмцгэр байхыг уриалмаар.
Эх сурвалж: Ploggingworld.org
