Олон нийтийн сүлжээнд өөрийгөө Боржигон овогт Хумбаадайн Чингис хаан буюу их хааны хойд дүр хэмээн танилцуулсан, М.Баасанжаргал гэх залуу өнгөрөгч гуравдугаар сарын 28-ны оройн 23:00 цагийн үед coгтуугaap хурд хэтрүүлэн тээврийн хэрэгсэл жолоодож, цагдаагийн алба хаагчтай зүй бусаар харилцаж буй шууд бичлэгээ цахим сүлжээнд байршуулсан.
Улмаар цагдаагийн албан хаагчийн шалгалтаар тэрбээр 0.76 согтуурлын зэрэгтэй, 95 км цагийн хурдтай явж байхдаа утсаараа лайв бичлэг хийж байсан нь илэрчээ. Тэрбээр өдгөө Сүхбаатар дүүргийн замын цагдаагийн хэлтэст саатуулагдан шалгагдаж буй. Тэрбээр өөрийнхөө цахим хуудсанд ‘Ард иргэдийнхээ хүсэлтээр СЭМҮТ-д ирж үзүүллээ. СЭМҮТ-ийг өмнө нь буруу ойлгодог байжээ. Та ч бас сэтгэцээ үзүүлээрэй. Сэтгэл сэтгэлгээ тань гэгээн байг. Ер нь бид нийгмээрээ үзүүлсэн нь дээрдээ. Монголынхоо бүх эмч нарт дэлхийн эмч нарын баярт өдрийн мэнд хүргэе. Эрүүл энхийн төлөө тангараг өргөсөн бүх эмч нартаа талархая. Хайртай шүү. Амжилт’ гэжээ.
